മലയാളികൾക്ക് സന്തോഷ് പണ്ഡിറ്റ് ആരാണെന്ന് കാര്യം പറഞ്ഞ് അറിയിക്കേണ്ട ആവശ്യം ഉണ്ടാവുകയില്ല. വ്യത്യസ്തമായ സിനിമകളിലൂടെയാണ് സന്തോഷ് പണ്ഡിറ്റ് ആദ്യം ആളുകളുടെ ശ്രദ്ധ പിടിച്ചുപറ്റിയത് എങ്കിലും, പിന്നീട് നിരവധി സാമൂഹിക പ്രശ്നങ്ങളിൽ തന്നെ നിലപാട് അറിയിച്ചുകൊണ്ടും
നിരവധി ജീവകാരുണ്യ പ്രവർത്തനങ്ങൾ ചെയ്തുകൊണ്ടുമെല്ലാം ഒരുപാട് ആരാധകരെയും സ്വന്തമാക്കിയ വ്യക്തിയാണ് സന്തോഷ് പണ്ഡിറ്റ്.
ഇപ്പോൾ ദിവസം കേന്ദ്ര ഗവൺമെന്റ് പ്രഖ്യാപിച്ച സ്ത്രീകളുടെ വിവാഹ പ്രായം ഉയർത്താനുള്ള തീരുമാനവുമായി ബന്ധപ്പെട്ടുള്ള സന്തോഷ് പണ്ഡിറ്റിന്റെ ഒരു ഫേസ്ബുക്ക് പോസ്റ്റാണ് സോഷ്യൽ മീഡിയയിലൂടെ ശ്രദ്ധേയമായമാരിക്കുന്നത്. ഇതിനുമുമ്പ് മുല്ലപ്പെരിയാർ വിഷയത്തിൽ താരത്തിനെ നിലപാട് ഏറെ ശ്രദ്ധേയമായിരുന്നു. പണ്ഡിറ്റിന്റെ പോസ്റ്റിലെ വിശദാംശങ്ങളിലേക്ക് കടക്കാം.
പണ്ഡിറ്റിന്റെ സാമൂഹ്യ നിരീക്ഷണം. യുവതികളുടെ വിവാഹ പ്രായം 18 ൽ നിന്നും 21 ആക്കിയ കേന്ദ്ര സർക്കാരിന്റെ പുതിയ നിയമ ഭേദഗതിക്ക് ആയിരം ആശംസകൾ. മനസ്സിന് പക്വത വന്നിട്ട് മതി കല്യാണം. പഠനം കഴിഞ്ഞ് ചെറുതെങ്കിലും എന്തെങ്കിലും ജോലി കിട്ടി , കുഞ്ഞു ബേങ്ക് ബാലൻസ് ഒക്കെ ഉണ്ടാക്കി വിവാഹം കഴിക്കുന്നതാണ് പെൺകുട്ടികൾക്ക് നല്ലത്.
അതിലൂടെ ഭാര്യാഭർത്താക്കൻമാർക്ക് പരസ്പരം താങ്ങും തണലുമായി ടെൻഷനില്ലാതെ ജീവിതം ആസ്വദിക്കാം. ചെറുപ്പത്തിലേ വിവാഹം കഴിച്ചു , പ്രസവിച്ചു കുറെ കുട്ടികൾക്ക് ജന്മം നൽകിയത് കൊണ്ട് ഒരു കാര്യവും ഇല്ല. അല്ലെങ്കിൽ തന്നെ ഇന്ത്യയിൽ ജനസംഖ്യ കൂടുതലാണ്.
ചെറിയ പ്രായത്തിലെ കല്യാണം കഴിച്ചാൽ ഒരുപാട് ഉത്തരവാദിത്വങ്ങൾ പാവം പെൺകുട്ടികളുടെ തലയിൽ വരുന്നു. പ്രസവ സംബന്ധമായ അസുഖങ്ങൾ, ചിലപ്പോൾ മരണം വരെ സംഭവിക്കാം. പ്രസവത്തിലൂടെ മരണം സംഭവിചാൽ, ഭർത്താവ് വേറെ കല്യാണം കഴിക്കാം. നഷ്ടം യുവതികൾക്ക് മാത്രമാണ്.
അതിനാൽ 21 എന്നല്ല, മതിയായ വിദ്യാഭ്യാസം നേടി ജോലി ആയിട്ടേ വിവാഹം കഴിക്കൂ എന്ന് ഓരോ പെൺകുട്ടികളും വീട്ടുകാരോട് ഉറക്കെ പറയണം. ഈ നിയമം 100 ശതമാനം ഇന്ത്യയിലെ സ്ത്രീകളുടെ വിജയമാണ്.18 വയസ്സ് തികയുമ്പോഴേക്ക് പെണ്മക്കളെ ഭാരമായി കരുതി വല്ലവന്റെയും തലയിൽ കെട്ടി വെക്കുന്ന മാതാപിതാക്കളുടെ മുന്നിൽ ഇനി കുറച്ചു കാലം കൂടി ഈ നിയമവും പറഞ്ഞു പിടിച്ചു നിൽക്കാം.
യുവതികളുടെ വിവാഹ പ്രായം 21 ആക്കിയ കേന്ദ്ര സർക്കാറിന് അഭിനന്ദനങ്ങൾ (വാൽകഷ്ണം.. ഈ നിയമത്തിൽ പ്രതിഷേധിച്ചു പണ്ട് ബീഫ് ഫെസ്റ്റിവൽ നടത്തിയത് പോലെ , കേരളത്തിലെ ചിലർ “വിവാഹ fest” നടത്തില്ല എന്ന് കരുതുന്നു. ) ഇതായിരുന്നു സന്തോഷ് പണ്ഡിറ്റ് കഴിഞ്ഞദിവസം ഫേസ്ബുക്കിലൂടെ ഷെയർ ചെയ്തത്. നിരവധി ആളുകളാണ് ഈ പോസ്റ്റിനു താഴെ അവരുടെ അഭിപ്രായം രേഖപ്പെടുത്തിയിരിക്കുന്നത്.
സ്ത്രീകളുടെ വിവാഹപ്രായം വർധിപ്പിക്കൽ വിഷയത്തിൽ വൈറലായി സന്തോഷ് പണ്ഡിറ്റിന്റെ ഫേസ്ബുക്ക് പോസ്റ്റ്!!